Ana i Rasta se dogovorili kome će pripasti vila od 500 000 eura

Prije razvoda, Ana Nikolić i Rasta su u Velikom Mokrom Lugu počeli da grade kuću od 500 metara kvadratnih, u koju su namjeravali da ulože pola miliona eura, a sada je pjevačica odlučila da nedovršenu vilu prepusti svom bivšem suprugu.

Ana i Rasta su se sporazumno razveli, i uspjeli su da se dogovore i oko kuće koju su zajedno gradili.

– Rasta je mislio da neće biti problema oko te kuće jer Ana već ima svoj stan, pa je bio uvjeren da će mu prepustiti taj plac uz novčanu naknadu. Sa druge strane, Ana je bila ta koja je forsirala kupovinu tog imanja i mnogo više se uključila u izgradnju kuće i raspored prostorija od njega, pa je i njoj bilo logično da će joj ustupiti kuću. Advokati su pokušavali da ih ubijede da nađu neko rješenje da ne bi završili na sudu. Rasti je potreban ovaj prostor, između ostalog i da bi imao svoj studio, koji je ucrtan u plan – navodi izvor blizak nekadašnjem bračnom paru.

Advokat Borivoje Borović je potvrdio da je Ana odlučila da kuća u Velikom Mokrom Lugu pripadne Rasti.

– Evo, tu je baš advokatica koja to radi, pored mene. Kad je pravljen sporazum, to je bio tolerantan razgovor u kojem je ona rekla da je ne interesuje nikakva imovina, pošto ima svoj stan. Tako je i ta kuća pripala njemu. Što se tiče alimentacije, ostalo je da on u sporazum upiše iznos, a on je upisao 2.000 eura – izjavio je Borović.

Izvor: telegraf.rs